بين كذب الخيال وبين صدق الجروح
عشت حيران تايه بين هذا وذاك
صرت موجود ضايع بين صمتن وبوح
لاسلمت الجروح ولا اهتنيت بهواك
وسط رمضا غلاك وماش ظلن شحوح
استظل بجحيمك وارتوي من جفاك
صرت كلي غموض وسر مابه وضوح
شوف حتى القصيده قلتها من وراك
مابقا ياحبيبي غير قلبن طموح
يرتجي مستحيلك ويتمنى لقاك
كل يومن تهاوى للمحبه صروح
وأنت قاعد تناظر كيف يهوي غلاك
كان وضعي كذا يرضيك والله لأروح
برد غيرك ولا أبقى في مذلة دفاك